پښتو ياګانې
پنځه ډوله پښتو ياګانې لرو:
۱ــ نرمه يا بې ټکو یا (ی): په نارینه مفردو نومونو، ځينې نسبي نومونو، ستايننومونو (صفتونو) او کړونو (فعلونو) کې راځي لکه :
ستوری، زلمی، زمری، سړی، مزاری، خوستی، ژوندی، ځای، راتلای، کولای، زوی، توی، لوی…
۲ــ څرګنده يا ( ي ) چې دوه ټکي څنګ پر څنګ ولري: په نارینه جمع نومونو (ځينو مفردو نومونو)، ځينې نسبتي ستایننومونو (صفتونو) او کړونو (فعلونو) کې راځي لکه:
ستوري، منګي، موچي، سړي، والي، ځي، خوري، مولوي، وروري، بنګړي او نور…
۳ــ لکۍ لرونکې یا ( ۍ): په ښځینه مفردو نومو او ځينو ستايننومونو کې راځي لکه:
تڼۍ، مرمۍ، لکۍ، کېږدۍ، کابلۍ، ګلالۍ، لېونۍ، خوښۍ، سپوږمۍ…
۴ـ اوږده یا ( ې ): په ښځینه جمع نومونو، نومځرو (ضميرونو) او ستاينونونو او کړونو کې راځي لکه:
کې، چې، راځې، تودې، مستې، واورې، پلمې، شېبې، تودې، کارنامې، جګړې…
۵ـ همزه لرونکې يا ( ئ ): تر ډېره د امر او نهې اړوند په کړونو (فعلونو) کې راځي لکه:
وخورئ، راځئ، مه کوئ، وکړئ، راشئ، او داسې نور…
تاسو هم کولای شئ خپلې لیکنې مو مونږ ته د فیسبوک له لارې راواستوئ مونږ یې په وړیا ډول دلته نشروو
د بلاګ اداره
2018/september/5
0 comments:
Post a Comment