ټوله نړۍ او مفت انټرنټ

يوې چینای شرکت ټولې نړی ته د مفت انټرنټ ورکولو اعلان وکړ بیجینک:د انټرنټ او وای فای په دغه ډيجيټلی نړی کې اوس هم ځینی داسې هیوادونه چې اوس هم پکې ډيجيټلی تياره خوره ده.نو په دغه خبرو سره چینای يو لوی شرکت ټولی نړی ته د مفت انټرنټ ورکولو اعلان وکړ. چینای شیورنټ ورک ویلی دی چې تر ۲۰۲۶ میلادی کال پورې به يوه دوه نه بلکه ۲۷۲ سټلایټه مدار ته پورته چې ټوله نړی به ونیسی او د مفت وای فای انټرنټ سهولت به برابر کړی نو په دغه دوران کې به اولنی شیور ون سټيلايټ به په راتلونکی ۲۰۲۰م کال کې پورته شی،په دغه ۲۰۲۰ کال کې به نورې ۱۰ سټلایټې هم پورته شی چې تر ۲۰۲۶ م کال پورې به ټولې پورته شی.    

پوره یې ولولئ

د حضرت محمد ص شفاعت

 تعریف:-شفاعت په لغات کې د بل لپاره د نیکۍ کولو او جرم او خطا د بښلو غوښتلو ته وایي. او د عقایدو د علم په اصطلاح کې له الله تعالی څخه د قیامت په ورځ غوښتنه ده څو د یو چا له خطاوو څخه تیر شي او بښنه ورته وکړي. د شفات د اثبات دلیل د پیغمبر(ع)شفاعت په قران کریم،نبوي احادیثو،او د اسلامي امت په اجماع سره ثابت دی، الله ج فرمایي(عَسَی أَنْ یَبْعَثَكَ رَبُّكَ مَقَامًا مَحْمُودًا) [الاسراء:79] ژباړه:نژدې ده چې ستا څښن به تا ستایل شوي ځای ته ورسوي. په یو بل حدیث کې حضرت محمد ص فرمایي:

ژباړه

:زه به د قیامات په ورځ د ادم (ع)په اولاده کې سردار یم او زه به لومړی هغه څوک یم چې له قبر څخه راپاڅیږي،او زه به لومړی هغه څوک یم چې شفاعت به کوم او لومړی هغه څوک به یم چې شفاعت یې قبلیږي. د پیغمبر(ص)د شفاعت ډولونه الله تعالی حضرت محمد ص ته د دوه ډوله شفاعت اعزاز ورپه برخه کړی دی: 1. شفاعت صغری. 2:شفاعت کبری. 1:شفاعت صغری له شفاعت صغری څخه مراد د پیغمبر ص هغه شفاعت دی چې د نورو بیلابیلو خلکو لپاره به یې کوي چې ځینې یې په لاندې ډول دي: 1:د ټولو مومنانو لپاره جنت ته د ورتلو شفاعت 2:د هغه چا لپاره شفاعت چې نیکۍ او بدۍ یې برابرې وي 3:د خپل امت د ګناهګارو لپاره شفاعت تر څو الله تعالی یې وبښي او له دوزخ څخه یې راوباسي او جنت ته یې داخل کړي 4:د نیکانو د درجو او مرتبو د لا اوچتولو لپاره د پیغمبر ص شفاعت 5:د پیغمبر ع شفاعت د ځینو خلکو لپاره تر څو د محاسبې پرته جنت ته داخل شي 6:د عذاب له مستحقینو څخه د عذاب د تخفیف لپاره شفاعت 2:کله چې ټول انسانان د محشر په میدان کې د خپلو اعمالو د حساب ورکولو لپاره راغوڼډ شي نو دوی به له ویرې سره په انتظار کې وي چې الله ج ورسره کله حساب شروع کوي ان ددوی انتظار به تر څلویښتو کالو پورې اوږد شي نو دوی به دداسې یو چا په لټه کې شي چې الله ج ته ددوی په اړه  شفاعت وکړي او الله ج له دوی سره حساب او کتاب شروع کړي نو دوی به حضرت محمد ص ته راشي او پیغمبر ع به الله ج ته په سجده پریوځي نو الله ج به ورته ووایي(ای محمده! سر راپورته کړه ته چې هر څه وغواړې درته به درکړل شي) او شفاعت به یې قبول کړل شي نو دې ته شفاعت کبری وایي رب دې د پیغمبر ع شفاعت مونږ ته هم رانصیب کړي 

امین

 کاروان ویب

پوره یې ولولئ

ټوکه

ټوکه

یوه ورځ نصر الدین په لاره روان وو

په دې وخت کې یې د خیراتخورو یوه ډه ولیده چې  په خیرات پسې ګرځیده

نو ورته یې وویل چې ای خلکو!

پاس کلي کې خیرات ده

هغوی ټولو په خوشحالۍ سره منډې کړې

نو نصرالدین له ځان سره وویل چې لکچې په ریښتیا سره خیرات دی نو خپله یې هم ورپسې منډې کړې

پوره یې ولولئ

له دوزخ څخه د خلاصون لار

{اَلَلهُمّ اَجِرنی مِنَ النَارِ} 

په حدیث شریف کې راځي چې،که څوک د ماښام لمانځه څخه وروسته، مخکې له دې چې له چا سره خبرې وکړي، اووه ځله ووایي یا یې د سهار له لمانځه وروسته مخکې له دې چې له چا سره خبرې کړې وي اووه ځله ووایي، یا په همغه شپه ،یا په همغه ورځ مړ شي نو انشالله د دوزخ له اور څخه د همیش لپاره خلاصون مومي. 

کــــــــــــاروان ویــــــــــــــــــب 

پوره یې ولولئ

د مبایل له انټرنټ څخه مو په کمپیوټر کې استفاده وکړئ

 په ډیرې ساده او اسانه طریقې سره 1:- په کمپیوټر کې مو د (Wifi) اپشن فعال کړئ 2:-په مبایل کې مو د(Mobile Hotspot) اپشن فعال کړئ 3:- له دې وروسته مو په کمپیوټر کې wifi سرچ وکړئ د سیګنال د پیدا کیدو وروسته یې ورسره کنکټ کړئ او له زیرک مبایل څخه مو د انټرنټ د انتقالوونکي په توګه ګټه پورته کړئ

پوره یې ولولئ

د ځوان توبه ویستل څومره اجر لري?

حدیث شریف

د اسلام ستر پیغمبر حضرت محمد (ص) فرمایي

کله چې یو ځوان له بدو کارو څخه توبه وباسې،

له مشرق څخه تر مغرب پورې د ټولو قبرونو څخه د څلویښت ورځو لپاره عذاب لرې کیږي، او هغه (ص) زیاته کړه الله (ج)دې د هغه سړي څیره روښانه کړي چې دا پیغام واوري او تر نورویې ورسوي.

نشر یې کړئ.

پوره یې ولولئ

په دویمه نړیواله جګړه کې د پخواني شوروي اتحاد شعار عجیبه وو!

په دویمه نړیواله جګړه کې پخواني شوروي اتحاد داسې شعار درلود چې: که چېرې جګړه کې یو پوځي خپل لاسونه له لاسه ورکړي... نورو ملګرو ته غاړه غړۍ کېدی شي،

که لاسونه یې غوڅ شي... په ښادیو کې نڅېدلې شي، که سترګې یې راووځي... د وطن ملي سرود اورېدلی شي... که غوږونه یې کاڼه شي... د دوستانو په لیدلو خوند اخیستی شي،

که انسان هر څه له لاسه ورکړي... د خپل وطن پر خاوره څملاستلی شي! خو که چېرې خپله خاوره له لاسه ورکړي.... نو څه کولی شي؟..!

هغه پرې پوهېدی شي چې د وطن پر مفهوم یې سر خلاص وي

پوره یې ولولئ

علمي خبر

علمی خبر :

د شیطان جزیره :

دا جزیره د مرکزي امریکا د کارایيب بحر سره کرار لري ،چې د مثلث په شکل له برموډا څخه تر میامې او پورتوریکو پوري يې ضلعی رسیږي.

چې دمثلث مساحت یو نیم میلیون میل مربع دې . ددې سېمې دبحر پر سطحه که داوسپنی یا لرګی څخه جوړې سوې کشتۍ تیري سي یو دم په اوبو کې ډوبېږي . او حتی په فضا کې الوتکې دبحر خواته ورکشوې او په اوبو کې غرق کیږي ،چې تراوسه یې په زرهاوو کشتۍ او الوتکې غرقې کړېدي .په تېره بیا په ۱۹۴۵م کی د دوهم جهانی په جنګ په جریان کې ډیرې جنګې الوتکې دلته ولوېدلې ...

عالمانو د ( ب 52 ) الوتکې پواسطه د لېرې مسافی څخه ددې جزیرې څخه داسې اوازونه او رازونه کشف کړې چی انسانان یې پّه غوږو اوري خو تعبیر او بیان یې نورو خلکو ته نسې کولې. په دې ځای کې قطب نما کار نسې کولې، شمال او جنوب له انسان څخه ورک کوي. یو ډول نور او شعاع هم فضا ته پورته کیږې وروسته بیا په اوبو کې ډوبېږي . 

دلمړې ځل دپاره دا نور او شعاع کریستف کولمب په ۱۴۹۲ م کې ولېدلی ، خو دهغه کیسو ته چا آهمیت ورنکړ. 

دا راز تر اوسه بشر نه دی کشف کړی .

ډیرو عالمانو او کاشفینو ددې سېمې د لېدو کوښښ کړی دی ،خو دوی هر هغه څه چې اورېدلې او لېدلې وي د هغو راز او بیا ن چاته نسی کولې ، هر څه یې هیر وي.

که څه هم بشر تراوسه په دی موفق سوېدی چې سپوږمۍ او مریخ ته تحقیقاتی سپینې ولېږی ... آما د برموډا د

جزېرې ددې راز په کشف کولو کې عاجز او پاته راغلې دي.

پوره یې ولولئ

چې زما جنازه تیاره شي،ژباړه - غلام عمر عبدالله

چي زما جنازه تیاره شي..!

لیکنه لږ اوږده ده د لوستلو حوصله مو غواړم.

دغه مقاله کویټي لیکوال مرحوم (عبدالله الجارالله) له خپل مرګ څخه څو ورځي مخکي ليکلې وه:

مرحوم لیکي...

د مرګ په راتلو خفه نه يم.

او نه هم په دې خفه او باک کوم چي له مرګ وروسته به مي له جسد سره څه کېږي.

ځکه له مرګ وروسته به مي مسلمانان وروڼه لاندي چاري ترسره کړي:

- جامې به راڅخه وباسي.

- غسل به راکړي.

- کفن به راواغوندي.

- له کوره به مي وباسي.

- خپل نوي ځای (قبر) ته به مي یوسي.

- ډېری خلک به خپل کارونه او ژمني پرېږدي او زما جنازې ته به راشي.

- خو ډېری خلک به زما د ننۍ ورځي نصيحت په هکله هيڅ فکر هم نه کوي.

زما د کور شيان لکه:

- ليکني.

- کتابونه.

- بکسونه.

- بوټونه.

- کېلاني.

- جامې.

- او نور...

به زما څخه پاته شي، که چېري زما د کورنۍ خلکو (له ماسره ښه کول) نو دا به خيرات کړي، تر څو ماته ګټه راورسوي.

په ټينګار (سره وايم)!

- چي نړۍ به زما پر مرګ هيڅ غمجنه نه شي.

- (ځکه هره ورځ زما په شان ډېر خلک له دې فاني نړۍ څخه د ابدۍ نړۍ په لور کوچېږي).

- نه به هم زما په مرګ سره د نړۍ کوم کار و بار ودرېږي، بلکه د خلکو اقتصادي چاري به همداسي رواني وي.

- او زما په کارځای کي به زما پر ځای بل کس پر دنده وګمارل شي.

- شتمني به مي وارثانو ته حلاله شي، خو د لږ او ډېر (وړې او ذرې) حساب به ئې زما سره کېږي.

او هغه لومړنی شي چي زه ئې د مرګ پر وخت له لاسه ورکوم، هغه زما نوم دی، نو کله چي زه مړ شم، بيا په نامه نه راته ويل کېږي، بلکه راته وبه ويل شي، چي (مړی او جسد).

او کله چي د جنازې لمونځ راباندي اداکېږي، نو وبه ويل شي چي جنازه راوړئ!

نو له دې وجهي زه بايد په خپل نسب، قبيلې، منصب او شهرت سره دوکه نه شم.

پس ای هغه انسانه چي اوس ژوندی ئې!

په دې پوه شه چي ستا پر مرګ به درې ډوله خلک غمجن شي.

لومړی: هغه خلک چي تا سطحي پېژني او وبه وائي(دا خوار هم مړ شو).

دوهم: ستا ملګري چي پر تا به څو ساعته يا هم څو ورځي غمجن شي، خو وروسته به بېرته خپلو کارونو، خبرو، مجلسونو او خنداګانو ته ور وګرځي.

دريم: ستا کورنۍ ده، چي دوی به ژور غمجن شي، چي يوه دوې اونۍ، يوه يا دوې مياشتي به غمجن شي، وروسته له دې به ستا ياد د خاطراتو په ارشيف ته وسپاري.

ستا له مرګ وروسته، د خلکو ترمنځ ستا کيسه تر همدغه ځايه پوري وه او خلاص.

اوس دي حقيقي او د اخرت کيسه پيل کېږي:

هغه داسي، چي ستا له مرګ وروسته به دغه لاندي شيان له تا څخه بېل شي:

- ښکلا.

- شتمني.

- روغتيا (صحت).

- مېرمن او بچيان.

- کورنۍ او دوستان.

- ملګري او همکاران.

- کورونه او ماڼۍ.

- ستا له عمل پرته به بل هيڅ شی هم درته پاته نه شي او له دې وروسته به دي حقيقي ژوند پيل شي.

اوس دلته پوښتنه داده چي تا دغسي ورځي لپاره څه تياری کړی دی..؟

دا هغه پوښتنه ده چي بايد غور باندي وشي.

نو ځکه ته بايد پر دې حريص شي چي:

- فرائض.

- نوافل.

- په پټه صدقه ورکول.

- د شپې لمونځ کول.

- غوره اخلاق.

- ديني تعليم او تعلم.

- له قران سره تعلق.

- له مسجد، د جماعت له لمانځه او نېکانو خلکو سره مينه ساتل.

- د الله ذکر کول.

بايد خپل او ترسره کړې.

ښايي دا کارونه ستا (د قبر او اخرت له سختيو او عذابونو څخه) د نجات سبب شي.

ای ژوندی انسانه تاته وايم!

که له دې مقالې لوستلو وروسته تا د قبر او اخرت لپاره تياری ونيوی او دغه ليکنه دي د خلکو ترمنځ ډېره خپره کړل، نو کېدلای شي، د الله په فضل سره دا کار ستا د نجات او برياليتوب سبب وګرځي او د اخرت په ورځ ستا د نېکۍ پله در درنه کړي.

ژباړه او زياتونه.

غلام عمر عبدالله

پوره یې ولولئ

لس ضرر رسوونکي خلک چې تاسو یې باید په خپل ژوند کې پرینږدئ

۱۰ خطرناک خلک چې تاسو باید

ترې مخنیوی وکړئ !

تل زموږ په ژوند کې د استرس عوامل شتون لري . د پرمختګ لپاره ، موږ باید د خپل ژوند څخه خطرناک خلک لرې کړو .

د لومړیتوبونو تمرکز او د دې خلکو څخه د خلاصون ترلاسه کول زمونږ د پرمختګ لپاره ګټور دي . مګر لومړی، موږ باید دا خلک وپیژنو .

۱- ځانپرست خلک :

غرور کله وخت د اخلاقي فضيلت ویاړ وي . خو کبرجن ، ځانپرست داسی فکر کوي چې تر ټولو څخه دوی غوره دي . داسې کسان ستاسو درناوی نه کوي او څوک چې تل ګواښ او سپکاوی کولی شي ستاسو شخصي پرمختګ زهري کوي .

۲ - بخیل خلک :

دا خلک خوشحاله وي چې تاسو په یو سخت حالت کې یاست ، او ستاسو بریالیتوب به دوی له منځه یوسي . دوی باور لري چې له تاسو څخه ډیر بریالیتوب لري . تاسو کولی شئ په بریالیتوب کې د دوی سره مرسته وکړئ ، مګر بخیل خلک ستاسو د نیکمرغۍ او استدلال څخه ځان غوره بولي . په هر ډول چې کیږي د داسې کسانو څخه ځان لرې کړئ .

۳ - وياړونکي خلک :

دا خلک یوازې ستاسو په خوښیو کې ملګري دي . او کله چې تاسو مرستې ته اړتیا لرئ ، دوی ستاسو په اړه پروا هم نه کوي . تاسو په دوی باندې تکیه نشئ کولی . د امکان تر حده ژر تر ژره د دې خصوصیت پیژندنه او د دغو اړیکو سرحدونه وټاکئ .

۴ - د زیږون (پس‌رونده ) خلک :

دا خلک ستاسو پرمختګ پیچلی کوي او تاسو تیرو تیرو عادتونو ته راګرځوي . دوی غواړي چې تاسو خپل مخکیني پوست ته بیرته ستانه شئ او ثابت پاتې وئ . د دې خلکو کشف کول ممکن ستونزمن وي ، دوی هغه کسان دي چې تل ستاسو د ژوند یوه مهمه برخه وه، او دا به ستونزمن کار وي چې د دوی په اړه څیړنه وکړئ . مګر دا ښه دی چې دوی ته خبر ورکړئ او دوی ته یې یادونه وکړئ چې څومره بریالیتوب مهم دی . که دوی نشي کولی تاسو سره مقابله وکړي ، دوی کولی شي خپله لاره جلا کړي .

۵ - قاضاوت کونکي خلک :

د قاضاوت کونکو په قضاوت کې هیڅ شی ښه نه وي . دوی پدې باور دي چې خلک نه باید وهڅول شي او د هڅونې پرځای نیوکې پرې وکړي . حتی کله چې اراده ښه وي او تاسو غواړئ چې دوی ته خپله اصلي موخه وړاندی کړئ ، دوی به تاسو ته غوږ ونه نیسي . دوی ښه عالمان ندي ځکه چې دوی ښه اوریدونکي ندي . د دغو خلکو منفي خبرو څخه ډډه وکړئ .

۶ - د خلکو کنټرول :

دا خلک د نورو په کنټرول کې لیوالتیا (دلچسپي ) لري . هغوی خوښوي چې تاسو د دوی قوماندې ته غوږ ونیسئ . دوی کولی شي تاسو باندی په چل او د غلطی له لارې خپلې غوښتنې پرمخ بوزي . د داسې خلکو څخه ډډه کول ستاسو لپاره غوره ټاکنه کیدی شي ، ځکه چې تاسو نشئ کولی دوی ته تقاعد ورکړئ او یا یې سم کړئ .

۷ - درواغجن خلک :

دا ریښتیا ده چې درواغ عام دي او ځینې یې بې ضرره دي ، مګر هغه خلک چې تل درواغ ویل کوي تاسو کولی شي له منځه یوسي . تاسو اړتیا لرئ چې ستاسو په شاوخوا کې باور لرونکي خلک ولرئ ، څوک چې تاسو سره مرسته وکړي او پرمختګ ته به صادقانه او منصفانه نظریات درکړي .

۸ - غیبت کونکي خلک :

دا خلک باور نه لري او حقایقونه ردوي او معلومات یې خرابوي . دوی غواړي چې ستاسو خبرې نورو ته ورسوي ، نو دوی هڅه کوي چې د ګپ شپۍ افسوسونو سره د نورو پام ځانته راولي . کله چې تاسو د دې خلکو لخوا رامینځته شوي ستونزې حل کړئ ، ترټولو غوره لاره دا ده چې دوی د خپل ژوند څخه وباسي ځکه چې دوی د سرطان دانې په څیر دي .

۹ - د پیسو خلک :

دا خلک ستاسو په ژوند کې دي یوازې د دې لپاره چې تاسو څخه ګټه وکړي . په ځینو مواردو کې ، دا کار ګټور کار دی ، مګر کله چې دا پرازيټ لخوا نه وي . د دې خلکو اراده یوازې د دوی د ګټو لپاره ده . دا خلک باید هر وخت په پام کې ونیول شي .

۱۰ - هغه کسان چې ځانونه قرباني بولي :

دا خلک هیڅکله مسؤلیت نه مني . دوی تل نورو ته ګوته نیسي او هیڅکله خپله غلطی نه مني . د دوی غبرګون ستاسو بریالیتوب ته زیان رسولی شي . دا غوره ده چې له دوی څخه ځان خلاص کړئ او دوی له ژوند څخه وباسئ .

کاروان ویب

پوره یې ولولئ

ټولنیز 23 اداب

ټولنیز ۲۳ اداب:

۱- د لاس وریجې بېرته په کاسه کې مه اچوه

۲- د خوراک وخت کې، ويښتان او نور وجود مه گروئ

۳- د دسترخوان پر سر مه گرځئ

۴- د چا په سوریو جورابو، کالیو او څپلیو پورې مهٔ خاندئ.

۵- له چا د سپینو/ توی شویو ويښتانو په اړه ترې پوښتنه مه کوئ.

۶- له مزدور د معاش پوښتنه مه کوئ

۷- که چېرې له ادارې لرې شوې، مننه ترې وکړه او په خپله مخه لاړ شه.

۸- ملگری مهٔ پرېږده چې تل ستا کرایه او د هوټل ډوډۍ پېسې ورکړي.

۹- پر سړک، بازار، موټر، دفتر او شفاخانه کې؛ په لؤړ اواز په تلیفون کې مهٔ غږېږئ

۱۰- کله چې لهٔ ماشومانو سره لوبې کوې، پرېږده چې هغوی یې وگــټي

۱۱- که چېرې یو چا درته ډېر کوچنی کار هم وکړو، مننه ترې وکړئ

۱۲- کله چې د مقابل جانب خبرې خلاصې شوې، تهٔ دې خپله خبره ورته پېل کړه

۱۳- داسې عطر/اسپرې مهٔ استمالوه چې نور خلک ترې په تکلیف شي

۱۴- چې چا بللی نه وې، ډوډیو پسې کور په کور مهٔ گرځه

۱۵- که چېرې خفه وې نو ماشومانو باندې خپل زړهٔ مه تشوه

۱۶- کله چې له چا سره ستړی مه شي کوي، خپلې تورې عېنکې مو لهٔ سترگو لیرې کړئ

۱۷- هر وخت گیلي مه کوه

۱۸- یو ښه انسان د پلار او نیکه په اشتباه مه نیسه

۱۹- چې په کوم څه نه پوهېږې، نظر پرې مه ورکوه

۲۰- یؤ مسلک ونیسه او په هغې کې پرمختگ وکړه

۲۱- هر وخت ځان خفه او غصه مه ښایه

۲۲- له ژوند ځان مه ستړی کوه

۲۳- داسې فکر مه کوه چې ملگری دې په چل نه پوهیږي

پوره یې ولولئ

Admob څه شی دی?

موضوع:-اډموب او د استفادې لارې چارې یې:-

لیکنه:-فواد منګل

نیټه:-2019/فبروري/6

اډموب چې د نوم څخه یې معلومیږي ،د مبایل لپاره د ایپ اعلاناتو سستم دی،

ګوګل په میلیونونو  اعلان ورکوونکي (ADVERTISERS) لري چې د ګوګل اډسینس له لارې یې خلک اعلانات په خپلو بلاګونو،ویبپاڼو،او اپلیکیشنونو باندې نصب کولای شي،

#ګوګل_اډسینس_د_ګوګل_د_اعلان_ورکونې_شرکت_دی،

نوموړی شرکت د خلکو اعلانات اخلي او په اعلان نشروونکو (Publishers) باندې یې تقسیموي،

راځم اصلي موضوع ته...

اډموب چې کیدای شي له نوم سره یې اشنا اوسئ یا یې هم په استفاده بوخت یاست هغه سستم دی چې په دې وروستیو کې یې د افغانستان د خلکو توجع ځان ته را اړولې 

#د_اډموب_د_صحیح_استفادې لارې_چارې_په_راتلونکي_پوسټ_کې،

که تاسو په انډرایډ سټوډیو(اپلیکیشن جوړونه) یا په کوم ویبسایټ کې د اپلیکیشن په جوړولو کې مهارت ولرئ او کولای شئ چې ښایسته اپلیکیشن جوړ کړئ، چې له یوې خوا د خلکو د ضرورت وړ وي او له بلې خوا د خلکو توجع ځان ته راجلب کړي،

نو بیا تاسو کولای شئ چې له نوموړي سستم څخه استفاده وکړئ 

#د_اډموب_د_اکاونټ_جوړولو_او_نور_سیټینګ_په_اړه_په_بل_پوسټ_کې_معلومات_درکوم.

ځینې خلک یې په قانوني لارو استعمالوي،

او ځینې بیا ورته یو بلینک اپلیکیشن جوړوي او اعلانات یې پکې لږوي

هر هغه څوک چې خپل اعلانات په بلینک اپلیکیشن کې لږوي او خپله پرې کلیکونه کوي هغه خلک ګوګل ډیر ژر پیژني او ایډیانې یې ورته بندوي

که مو لیدلي وي په دې وروستیو څو ورځو کې د هغوی توجع دافغانستان،پاکستان،هندوستان او افریقایي یوزرانو ته وه چې په همدې مملکتونو کې یې د سیلف کلیکرانو شمیر ډیر شوی وو،

هغوی د هر یو د پیژندلو وروسته ورته ایډیانې وربندې کړې او د هغوی ایمیلونه یې په Admob او Adsense کې Ban کړل د هغوی مصرف شوی انټرنټ او ګټل شوې پیسې ټولې ورڅخه وګرځول شوې او خواري یې په اوبو لاهو شوه

خلاصه دا چې د بلینک اپلیکیشن جوړول او د سیلف کلیک کول کوږ بار دی او کوږ بار تر منزله نه رسیږي،

راځم قانوني لارې یې هم درښایم

د انټرنټ په نړۍ کې په پلای سټور سربیره په سلهاوو ویبپاڼې شتون لري چې خلک ورڅخه د اپلیکیشن د ډاونلوډولو استفاده کوي

تاسو کولای شئ خپل منظم او قانوني اپلیکیشن جوړ او ورته یې اپلوډ کړئ،

کله چې ستاسو اپ خلک ډاونلوډ کړي نو د استعمال په وخت کې یې هغه اعلانات چې د ګوګل شرکت له Advertisers څخه اخلي راځي،

که چیرې ستاسو په اپلیکیشن کې په کوم اعلان باندې کلیک وشو نو په همغه حساب تاسو ته پیسې درکول کیږي

خو کلیک باید حقیقي وي او د کلیک کوونکی شخص چې څومره د هغه اعلان په ویبپاڼه کې پاتې شي نو هغومره پیسې به تاسو ته درکول کیږي،

د ګوګل په پالیسي کې راځي چې 

له خپلو ملګرو څخه د کلیک کولو غوښتنه کول،او په خپله ځان ته کلیک کول غیر قانوني کار دی او د کولو په صورت کې به یې د شکایت حق ونه لرئ،

نوموړي شرکت د خپلو پیسو Cpc اندازه په هیوادونو هم ویشلې ده له بعضو هیوادونو څخه لږې پیسې او له بعضو څخه زیاتې پیسې ورکوي

ستاسو د اپلیکیشن د اپلوډ لپاره باید ووایم چې تاسو کولای شئ چې د Google Play Console اکاونټ چې بیه یې 25 ډالره ده واخلئ او اپلیکیشن مو پکې اپلوډ کړئ

د قانوني استعمال د توکو لنډیز

1:-په ایپ جوړونه کې مهارت

2:-د ایډونو لږول په اپلیکیشن کې

3:-د ایپ اپلوډول پلای سټور ته

4:-ډیر یوزران لرل

او په اخر کې باید دا ووایم چې ددوی پیسې په افغانستان کې فقط د بانک وایر ټرانسفر له لارې را ایستلای شئ

د نورو ګټورو معلوماتو لپاره له مونږ سره اوسئ

نوټ:-د کاپي حقوق له کاروان ویب سره خوندي دي.

پوره یې ولولئ